Forsprakkar líkamsræktarstöðvarinnar Austur gagnrýna nýlegar gjaldskrárlækkanir hjá Héraðsþreki og krefjast endurskoðunar á þeirri gjaldskrá með tilliti til markaðsaðstæðna og að jafnræðis sé gætt. Jafnframt óska þeir eftir viðræðum um kaup Austur á öllum rekstri Héraðsþreks.

Sveitarfélagið Múlaþing hefur auglýst breytingu á deiliskipulagi vegna nýrrar akbrautar við flugvöllinn á Egilsstöðum. Þá er nýbúið að samþykkja skipulagsbreytingu vegna aðflugsljósa við flugvöllinn. Hvort tveggja eykur flugöryggi í landinu.

Ósk forsvarsmanna líkamsræktarstöðvarinnar Austur um úthlutun lóðar undir nýja líkamsræktarstöð við fyrirhugaðan sundlaugargarð íþróttamiðstöðvarinnar á Egilsstöðum hefur verið hafnað að sinni. Ástæðan fyrst og fremst sú að skipulagning svæðisins við íþróttamiðstöðina er of skammt á veg komin til að ráð sé að úthluta lóðum eða ákvarða framtíðarstefnu svæðisins.

Síðdegis á morgun mun Minjasafn Austurlands fyrsta sinni bjóða upp á nýjung sem miðar að því að gera safnið aðgengilegra fyrir það fólk sem er að læra íslensku sem annað tungumál. Það mun ekki síður gagnast öðrum einstaklingum sem þurfa ýmissa hluta vegna einfaldari framsetningu til að njóta safnsins og læra þar um menningu og sögu þjóðarinnar.

Um tvö hundruð konur fylltu sal Valaskjálfar á Egilsstöðum í tilefni kvennafrídagsins í dag. Ræðukonur vöruðu við bakslagi í jafnréttismálum og sögðu það minna á að aldrei mætti slaka á í baráttunni.

Brjálað hefur verið að gera hjá austfirskum dekkjaverkstæðum síðan í gær eftir að fyrsti snjór vetrarins féll í byggð.

Nokkur austfirsk félög standa fyrir sameiginlegum viðburði í tilefni af kvennafrídeginum á Egilsstöðum á föstudag. Einn skipuleggjenda viðburðarins segir nauðsynlegt fyrir konur að standa saman til að vinna bug á misrétti.

„Ég vild‘ég væri Pamela í Dallas“ er yfirskrift viðburðar á Bókasafni Héraðsbúa á Egilsstöðum á sunnudag. Þrjár tónlistarkonur af mismunandi kynslóðum munu þar rýna í lagatexta sína og samtíma.

Þyrluáhöfn Landhelgisgæslunnar fór í víðtækt æfingaflug í gær þar sem meðal annars var komið við á Egilsstöðum og æft í Kverkfjöllum.

Leikfélag Fljótsdalshéraðs frumsýnir um helgina leikverkið Óvitar eftir Guðrúnu Helgadóttur. Þetta er fyrsta uppfærsla leikfélagsins í þrjú ár. Endurskoða þurfti áformin þegar mikill áhugi reyndist meðal barna og ungmenna að taka þátt í leiksýningunni.

Opið hús verður í nýrri geðræktarmiðstöð á Egilsstöðum. Gert er ráð fyrir að dagskrá miðstöðvarinnar til framtíðar verði mótuð í nánu samstarfi við þá sem hana sækja. Málstofa verður einnig um geðheilbrigðisþjónustu á Austurlandi.