Fallið hefur verið frá lokun leikskólans á Stöðvarfirði að sinni. Til stóð að loka honum vegna manneklu en ráðning tókst í tæka tíð.

Upp úr áramótum þurfa íbúar Fjarðabyggðar að flokka heimilissorp sitt í fjóra mismunandi flokka í samræmi við lög landsins. Markmiðið að draga úr því magni sorps sem fer til urðunar.

Búist er við 792 milljóna króna afgangi hjá Fjarðabyggð á næsta ári samkvæmt fjárhagsáætlun, sem rædd var í bæjarstjórn í fyrsta sinn í gær. Framkvæmdir við íþrótta- og skólamannvirki verða fyrirferðamest í A-hluta sveitarsjóðs.

Bæjarráð Fjarðabyggðar hefur falið skipulags- og framkvæmdasviði sveitarfélagsins að gera nýja úttekt á húsnæði Nesskóla en þar hefur orðið vart við vatnsleka í kjallara eldri byggingar skólans.

Viðbygging leikskólans Dalborgar á Eskifirði var formlega tekin í notkun með athöfn í gær. Rými fyrir bæði starfsfólk og leikskólabörn stækkar með því verulega og öll starfsemi skólans færist undir sama þak.

Búið er að tryggja fjármagn til fyrsti áfanga endurbóta og uppbyggingar á Stríðsárasafninu á Reyðarfirði en undirbúningur að því að stækka og betrumbæta safnið hefur staðið yfir um skeið.

Náttúruhamfaratrygging Íslands (NTÍ) hefur sent öllum sveitarfélögum landsins áminningu um heimild í lögum til að lækka bætur ef byggingar eru reistar á svæðum sem sérstaklega eru viðkvæm fyrir náttúruhamförum. Bæjarráð Fjarðabyggðar telur þörf á að ábyrgð tryggingarinnar verði skýrð nánar.

Seinni geðræktarmiðstöðin af tveimur á Austurlandi er að opna á Reyðarfirði. Sviðsstjóri fjölskyldusviðs Fjarðabyggðar bindur vonir við að miðstöðin verði liður í að hjálpa fólki sem glímt hefur við andleg veikindi aftur út á vinnumarkaðinn.

Eldri borgarar í Fjarðabyggð hafa það almennt nokkuð gott ef frá er talið að biðin eftir plássum á hjúkrunarheimilum lengist ár frá ári að sögn formanns Öldrunarráðs sveitarfélagsins.

Starfshópur, sem skipaður var til að meta kosti til framtíðar fyrir íþróttahús á Eskifirði, leggur til að byggt verði nýtt íþróttahús við hlið sundlaugarinnar. Stefnt er að því að hefja framkvæmdir á næsta ári.

Loðnuvinnslan á Fáskrúðsfiðri hefur samið við Vinnslustöðina í Vestmannaeyjum um kaup á ísfisktogaranum Þórunni Sveinsdóttur. Um leið lýkur sögu Ljósafellsins á Fáskrúðsfirði. Áhöfn þess verður boðin vinna á nýja skipi en í Eyjum verður áhöfninni sagt upp.

Bæjarstjórn Fjarðabyggðar hefur samþykkt að ráðast í innviðagreiningu fyrir Mjóeyrarhöfn. Formaður bæjarráðs segir mikið af lausu landi þar sem þurfi að skipuleggja þannig að það nýtist sem best.

Sveitarfélagið Fjarðabyggð hefur að undanförnu unnið að því að fjarlægja númerslausa bíla sem hafa safnast upp innan byggðakjarna þess. Formaður bæjarráðs segir hvimleitt að þurfa reglulega að ráðast í slíkar aðgerðir.

Stöðfirðingum hefur verið tilkynnt að mengun, sem greindist í neysluvatni þar í síðustu viku, sé ekki lengur til staðar. Þar með þurfa þeir ekki lengur að sjóða neysluvatn.

Bæjarráð Fjarðabyggðar hefur samþykkt tillögu um að fá fyrirtækið ProSeal, sem varði þak Fjarðabyggðarhallarinnar nýverið, til að ráðast í sambærilegar endurbætur á þaki Grunnskóla Breiðdalsvíkur.

Alls hafa 60 heimili nú þegar fengið úthlutað styrk úr jólasjóð Múlaþings en þeim sjóð ætlað að létta undir hjá öllum þeim heimilum sem glíma við bágindi fyrir jólahátíðina.