Þröstur Friðfinnsson, sveitarstjóri í Grýtubakkahrepp, segir stór loforð ríkis við sameiningu sveitarfélaga hafa oftar en einu sinni verið svikin undanfarna áratugi. Hann lýsir því að sveitarfélög eigi ítrekað í átökum við ríkið þótt heita eigi að þau vinni hlið við hlið.

Lögmaður Fljótsdalshrepps telur margt í tillögum innviðaráðherra um þvingaðar sameiningar sveitarfélaga stórgallað, og ekki bara gagnvart minna sveitarfélaginu. Hann telur litlar líkur á að hreppurinn fái nokkrar undanþágur af þeim sem þó eru lagðar fram í tillögunum.

Innviðaráðherra gefur lítið fyrir mótbárur minni sveitarfélaga sem telja lýðræðislegan rétt íbúa sinna fótum troðinn með tillögum um að ráðherra fái heimild til að sameina sveitarfélög. Fjármálaráðherra segir mestu tækifærin til hagræðingar vera í sameiningu fjölmennustu sveitarfélaganna.