Vegamálastjóri segist hafa skilning á því að bæði almenningi og fulltrúum í sveitarstjórnum þyki óþægilegt þegar gefið sé í skyn að ekki verði staðið við þá stefnumörkun sem þegar hefur verið mörkuð. Vandasamt verður að hefja framkvæmdir við önnur jarðgöng en Fjarðarheiðargöng árið 2027. Þegar hefur verið varið um 600 milljónum króna til þeirra.

Innan innviðaráðuneytisins hefur verið skoðuð sú leið að fjármagna nýja flugstöð við Reykjavíkurflugvöll að hluta í samvinnu við einkaaðila. Ráðherra segir aðstöðuna ekki boðlega lengur en byggingin verður 80 ára á næsta ári.

Alþingi hefur samþykkt beiðni þingmanna úr fimm flokkum að gerð verið skýrsla um aðgerðir til að lækka kostnað á flugvélaeldsneyti á flugvöllunum á Egilsstöðum og Akureyri. Ríkisstjórnin skoðar líka hvernig hægt sé að nýta fjárfestingar á flugvöllum bæði til varnarmála og fyrir almenna borgara.

Myndavélar sem mæla meðalhraða ökutækja í gegnum Fáskrúðsfjarðargöng verða formlega teknar í notkun á morgun. Fyrstu slíkar myndavélarnar voru ræstar í Norðfjarðargöngum haustið 2021. Meðalhraðaeftirlit þykir gefa góða raun við að draga úr hraða og þar með umferðarslysum.

Heimastjórn Borgarfjarðar hefur farið þess á leit við Vegagerðina um að hún þjónustu veginn yfir Vatnsskarð alla daga vikunnar á veturna. Til viðbótar óska íbúar við innkeyrsluna inn í þorpið eftir að hámarkshraði þar verði lækkaður.

Jarðfræðingur hjá Vegagerðinni segir það mýtu að efni á Íslandi sé ónýtt til vegagerðar. Ein besta náma landsins er staðsett á Vopnafjarðarheiði. Malarvegir eru enn meirihlutinn af vegakerfi landsins og liggja undir skemmdum vegna skorts á viðhaldi.