Sumargjöf til íbúa Djúpavogshrepps
Sveitarstjórn Djúpavogshrepps hefur lengi lagt áherslu á verndun náttúrunnar. Íbúar eiga von á sérstakri sumargjöf í þeim anda í vikunni.Sveitarfélagið er meðlimur í Cittaslow-hreyfingunni eins og mörgum er kunnugt, sem þýðir að það er unnið að stöðugri uppbyggingu á samfélaginu í hreinu, öruggu og uppbyggilegu umhverfi.
Í ljósi þessarar stefnu Djúpavogs hvetur bæjarfélagið nú íbúa að draga úr notkun plastpoka og sorpmyndunnar í samfélaginu og verður öllum heimilum í hreppnum gefinn taupoki úr lífrænni bómull í sumargjöf.
Á heimasíðu Djúpavogs segir: „Kostnaður sveitafélagsins vegna sorpurðunar er hærri en hann þarf að vera og væri því fé betur varið í fjölmargt annað í samfélaginu. Flokkum, endurnýtum, minnkum sorp og spörum fé.“
Taupokinn, sem dreift verður í vikunni, er mun sterkari en plastpoki og hentar því vel til innkaupa eða annarrar endurtekinnar notkunar.
Krakkar úr elstu bekkjum Djúpavogsskóla munu bera pokana í hús á Djúpavogi á miðvikudag, en þeir verða sendir út í dreifbýlið.
Einnig verður hægt að kaupa fleiri poka á skrifstofu sveitarfélagsins.
