Afnema orkuskerðingar til stórnotenda á landinu öllu
Landsvirkjun hefur ákveðið af aflétta öllum skerðingum á afhendingu raforku til stórnotenda frá og með deginum í dag. Það er þremur til fimm vikum fyrr en reiknað var með.
Tilkynning um þetta barst í dag frá stofnuninni en upp úr áramótum, sökum lélegrar vatnsstöðu í lónum landsins, tók Landsvirkjun þá ákvörðun að skerða raforku til stórnotenda sem olli verulegum vandræðum hjá fjölmörgum stærri fyrirtækjum sem og hjá ýmsum fjarvarmaveitum á köldum svæðum. Þeim skerðingum nú lokið. Áfram verða þó skerðingar á orku til fiskimjölsverksmiðja, fiskþurrkana og gagnavera sem kaupa svokallaða víkjandi orku.
Ástæða þess að skerðingum er hætt fyrr en áætlað var í upphafi eru að hlýindi undanfarið hafa skilað auknu rennsli bæði á Suðurlandi og á hálendinu og miklar leysingar hafa verið undanfarið við Blöndulón. Staðan ekki jafn jákvæð í Hálslóni við Kárahnjúka en þar hafa litlar breytingar orðið upp á síðkastið. Það sé hins vegar bjart útlit enda mikill snjór á Austurlandi og spár fræðinga stofnunarinnar búast við auknu innrennsli þar á næstunni.
