Austurfrétt efst í flokki fréttavefja
Austurfrétt mældist í efsta sæti samræmdar vefmælingar hjá Modernus í síðustu viku í flokki fréttavefja.Samkvæmt talningu Modernusar fyrir vikuna 20. – 26. september voru notendur Austurfréttar 13.743 og flettingar 51.038.
Þetta skilaði vefnum í efsta sætið í flokki frétta- og nettímarita. Í þeim flokki eru fleiri landshlutavefir, meðal annars Skessuhorn á Vesturlandi og Feykir í Skagafirði, en Skessuhorn fylgir fast á hæla Austurfréttar.
Þótt þessar tölur séu góðar eru þær ekki einsdæmi því umferðin á Austurfrétt minnkaði um 1,1% frá fyrri viku. Flestir urðu notendur vefsins á þessu ári í síðustu viku ágúst, 16.690 talsins.
