Eitt smit enn
Nýtt Covid-19 smit hefur verið staðfest á Reyðarfirði. Smit þar eru alls orðin 25 talsins á rúmri viku.Í tilkynningu aðgerðastjórnar almannavarna á Austurlandi er varað við að enn sé hætt á að smit greinist en eftir miklar aðgerðir síðustu daga er vonast til að þau verði innan sóttkvíar, líkt og var í þessu tilfelli.
Alls eru 27 í einangrun í fjórðungnum og 40 í sóttkví.
Hvatt er til áframhaldandi aðgæslu í hvívetna þar sem ástandið sé enn viðkvæmt.