Ekki hægt að bjóða börnum upp á sömu bækurnar og aftur
Bæjarráð Fjarðabyggðar hefur samþykkt 360.000 króna aukafjárveitingu til bókasafna sveitarfélagsins til að kaupa inn nýjar barnabækur.Fjárveiting kemur eftir beiðni frá forstöðufólki bókasafnanna í Fjarðabyggð þar sem þeir óskuðu eftir aukafjárveitingu í samræmi við þá sem Reykjavíkurborg veitir sínum bókasöfnum til að efla læsi.
Fjárveitingin verður nýtt til að kaupa inn nýjar bækur í tengslum við barnabókamessu sem Félag bókaútgefenda heldur á hverju ári þar sem nýjar barnabækur eru kynntar.
Í greinargerð með erindinu segir að Fjarðabyggð hafi lagt mikla áherslu á að efla læsi nemenda og séu nú nokkrar lestrarstefnur í gangi í skólum. Í samræmi við metnaðarfulla stefnumörkun þurfi að reikna með auknum fjárveitingum til skólabókasafnanna til að endurnýja safnkostinn.
Ekki sé hægt að bjóða skólabörnum upp á að lesa sömu bækurnar aftur og aftur því ekki fáist fjármagn til að kaupa nýjar eða nýlegar bækur.
