Enn óvissustig vegna snjóflóða á Fagradal

Strax fyrir hádegi í gær tilkynnti Vegagerðin um að snjóflóðahætta kynni að skapast á Fagradal. Klukkan fimm síðdegis tók óvissustig gildi vegna snjóflóðahættu úr Grænafelli.

Hálka og éljagangur er á flestum vegum á Austurlandi. Varað er við þrengingum vegna snjósöfnunar inn á veg á Jökuldalsheiði.

Eftir snjólétt jól og áramót tók að snjóa á Austurlandi á sunnudag og hélt áfram í gær. Gengið hefur á með éljum frekar en að snjókoman hafi verið stöðug.

Þetta er þó misjafnt eftir stöðum. Þannig er nær engin úrkoma skráð frá miðnætti á Eskifirði og lítil í gær, meðal uppsöfnuð úrkoma á Seyðisfirði í nótt er rúmir 5 mm, sú mesta á landinu.