Fækka tilkynningum á ný

Aðgerðastjórn almannavarnanefndar Austurland hefur ákveðið að byrja á ný að senda tilkynningar um stöðu Covid-19 faraldursins í fjórðungum til íbúa aðeins á þriðjudögum og föstudögum.

Undanfarnar vikur hefur aðgerðastjórnin sent íbúum daglegar áréttingar. Hún var nýbúin að breyta því þegar smit greindist þriðjudaginn í síðustu viku. Daglegum útsendingum var þá umsvifalaust komið á aftur.

Nú ætlar aðgerðastjórnin að nýta logið fækka tilkynningum á ný og senda aðeins út tvær í viku. Það breytist ef vindátt breytist eða hvessir, eins og það er orðað í orðsendingu dagsins.

Í tilkynningu dagsins eru íbúar minntir á að huga að persónulegum sóttvörnum. Minnt er á að hið árlega inflúensutímabil sé framundan en varnirnar virki vel gegn henni, sem fleiri veirupestum.

Einn einstaklingur er í einangrun með virkt Covid-19 smit og einn í sóttkví.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.