Fækkar á tjaldsvæðum Austurlands
Síðastliðinn mánuð hafa öll tjaldsvæði á Austurlandi verið meira og minna full af sólarþyrstum Íslendingum.
Veðrið hefur leikið við Austfirðinga en síðustu daga hefur verið breyting á. Sólina er nú að finna á suðvesturhorninu og hefur það í för með sér fækkun á tjaldsvæðum Austurlands.
Fyrir tæpum tveimur vikum ákvað Fjarðabyggð að fjölga tjaldsvæðum sveitarfélagsins á Fáskrúðsfirði, Reyðarfirði og Norðfirði vegna mikillar eftirspurnar. Nú þegar fækkað hefur á tjaldsvæðum sveitarfélagsins og eftirspurnin orðið minni hefur þessum auka tjaldsvæðum verið lokað.
