Ferðagjöfin mest notuð í Vök
Þjónusta og vörur fyrir samtals 23 milljónir króna hafa verið keyptar af fyrirtækjum skráðum á Austurlandi fyrir Ferðagjöf ríkisins.Þetta kemur fram á Mælaborði ferðaþjónustunnar. Frestur til að nýta Ferðagjöfina rennur út á miðnætti annað kvöld.
Af austfirskum fyrirtækjum hefur mest verið keypt af Vök baths, eða fyrir 11 milljónir. Líkt og í fyrra er Vök í hærra lagi miðað við landið, einkum fyrir tæki á landsbyggðinni. Þar er Vök í öðru sætu á eftir Jarðböðunum í Mývatnssveit. Milljón munar í viðskiptum.
Til samanburðar má nefna að keypt hefur verið fyrir ellefu milljónir af fyrirtækjum á Norðurlandi vestra og tíu milljónir á Vestfjörðum.
Næst mest hefur verið skipt við 701 veitingar á Austurlandi, fyrir tvær milljónir. Þar á eftir koma Gistihúsið Egilsstöðum, Askur pizzeria, 701 Hotels, Kaffi Sumarlína, Hildibrand, Hótel Framtíð og Blábjörg með um eina milljón hvert.