Fólk hugi að persónubundnum sóttvörnum
Aðgerðastjórn almannavarna á Austurlandi minnir fólk á að sinna vel persónubundnum sóttvörnum. Mikill fjöldi COVID smita hefur greinst að undanförnu og voru þau t.d. 123 talsins í fyrradag.„Eins og öllum er kunnugt er mikill vöxtur í fjölda kórónuveirusmita og eru smitin á víð og dreif um landið. Hátt hlutfall greinist utan sóttkvíar og því viðbúið að aukning verði á smitum næstu daga,“ segur í tilkynningu frá aðgerðastjórninni.
„Aðgerðastjórn vill minna fólk á að sinna persónubundnum sóttvörnum en það er eitt öflugasta vopnið í baráttunni við veiruna. Þá mælist aðgerðarstjórn til að starfsfólk og viðskiptavinir í verslunum og á veitingastöðum noti grímur og virði fjarlægðarmörk.
Aðgerðastjórn brýnir fyrir fólki að bóka tíma í sýnatöku ef það finnur fyrir einhverjum einkennum. Þá gildir áfram að þeir sem eru með öndunarfæraeinkenni eiga að vera í sambandi við heilsugæslu í gegnum síma, alls ekki mæta á heilsugæslustöðvar ef minnsti grunur leikur á kórónuveirusmiti.“