Fólki í sóttkví fjölgar á Austurlandi
Fæst COVID-19 smit landsins eru á Austurlandi en aðeins eru fjórir sem stendur í einangrun.
Bættist því aðeins einn einstaklingur á Austurlandi í hóp þeirra sem eru í einangrun í gær. Flestir eru í einangrun á höfuðborgarsvæðinu eða 724 og næstmest á Suðurlandi þar sem 76 eru í einangrun.
Þrátt fyrir að aðeins eitt smit hafi bæst við á Austurlandi í gær hefur fjölgað nokkuð í hópi þeirra sem þurfa að vera í sóttkví. Í gær voru sex í sóttkví á Austurlandi en í dag eru þeir orðnir 18.