Fresta raforkuskerðingum til stórnotenda austanlands til áramóta
Hlýndakaflinn á landinu síðustu vikurnar hefur haft þau áhrif að staða miðlunarlóna Landsvirkjunar norðan- og austanlands hefur batnað verulega sem þýðir að raforkuskerðingar til stórnotenda, sem áttu að hefjast í þessari viku, hefjast ekki fyrr en um áramótin.
Það góðar fréttir fyrir bæði stórnotendur sem og íbúa alla á Austurlandi því mörg fyrirtækin hafa engin önnur ráð þegar skerðingar eiga sér stað en að keyra dísilraforkustöðvar með tilheyrandi aukakostnaði og mengun.
Útlitið var tiltölega svart áður en fyrrnefndur hlýindakafli hófst enda staða lóna í lágmarki víðast á landinu, þar á meðal í Hálslóni Kárahnjúkavirkunar, og hafði Landsvirkjun fyrirhugað að skerða afhendingu rafmagns strax á föstudaginn kemur. Skerðingar koma til þann dag fyrir stórnotendur á suðvesturhluta landsins en Austurland fær frest til 1. janúar á nýju ári og hugsanlega lengur eftir atvikum.
