Gauti: Málefnasamningur tilbúinn um miðja vikuna

Gauti Jóhannesson oddviti Sjálfstæðisflokksins í nýju sameinuðu sveitarfélagi, Múlaþingi, segir að hann reikni með að málefnasamningur Sjálfstæðisflokks og Framsóknarflokks verði tilbúinn um miðja vikuna.

„Það hefur verið mjög góður gangur í meirihlutaviðræðum okkar við Framsóknarflokkinn,“ segi Gauti í stuttu spjalli við Austurfrétt. „Við erum langt komnir með málefnasamning okkar og ég reikna með að hann verði kynntur um miðja vikuna.“

Eins og fram kom í kosningabaráttu fyrir sveitarstjórnarkosnsingarnar var ekki samhljómur með stefnu þessara tveggja flokka hvað bæjarstjórastöðuna varðaði. Framsókn vildi hafa Björn Ingimarsson áfram í stöðunni en Sjálfstæðisflokkurinn vildi bíða eftir úrslitum kosninganna hvað þetta varðaði.

Aðspurður um þetta atriði segir Gauti að bæjarstjórastaðan sé eitt af þeim fáu atriðum sem eftir á að ganga frá.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.