Hringvegurinn í Fáskrúðsfirði lokaður í nótt vegna vinnu
Fréttir • This email address is being protected from spambots. You need JavaScript enabled to view it. • Fyrst birt 02. okt 2025 16:52 • Uppfært 02. okt 2025 16:52
Loka þarf veginum í sunnanverðum Fáskrúðsfirði í nótt vegna vinnu. Vonast er til að framkvæmdum ljúki tímanlega í fyrramálið.
Lokað verður fyrir umferð við bæinn Eyri vegna ræsisvinnu frá klukkan þrjú í nótt. Vonast er til að henni ljúki milli klukkan sjö og átta í fyrramálið.
Þar með er haldið áfram vinnu við að skipta um ræsi en byrjað var á því um síðustu helgi eftir úrhellisrigningu.
Vegurinn í sunnanverðum Reyðarfirði er enn lokaður en hann skemmdist líka í vatnavöxtunum fyrir viku. Á móti er vegurinn yfir Þórdalsheiði merktur opinn en hann skemmdist í stórrigningu fyrr í september.
Frá viðgerðum á veginum við Eyri. Mynd: Krummi
