Jólahlaðborðin geta verið snúin vegna COVID
Aðgerðastjórn almannavarna á Austurlandi hefur fengið fyrirspurnir um jólahlaðborð vinnustaða, hvernig þau samrýmist sóttvarnareglum sem gilda til 3. nóvember, að því er segir í tilkynningu. Þar kemur fram að jólahlaðborðin geta verið snúin vegna sóttvarnarreglna.
Aðgerðastjórin bendir á að samkvæmt reglunum mega ekki fleiri en tuttugu einstaklingar koma saman hverju sinni að þjónustufólki meðtöldu. Þá skuli tryggja 2 metra fjarlægð milli þeirra sem ekki eru í nánum tengslum.
"Hefðbundin jólahlaðborð virðast af þessum sökum snúin í framkvæmd miðað við núverandi stöðu. Við það bætist að varað hefur verið við slíkum hlaðborðum vegna smithættu, nokkuð sem rétt myndi að taka með í reikninginn einnig," segir í tilkynningunni.
Ekkert COVID smit er nú skráð á Austurlandi. Höldum áfram að ganga þennan þrönga COVID veg og gerum það saman
