Litahlaupinu á Egilsstöðum frestað um ár
Vegna nýrra samkomutakmarkana stjórnvalda getur Litahlaupið (The Color Run) ekki farið fram á Egilsstöðum í næsta mánuði eins og til stóð. Því hefur hlaupinu verið frestað til laugardagsins 11. júní 2022.Í tilkynningu segir að aðgöngumiðar flytjast sjálfkrafa yfir á nýja dagsetningu og þurfa miðaeigendur ekki að grípa til neinna ráðstafana vegna þessarar breytingar. Henti ný dagsetning ekki þátttakendum hafa þeir tvær vikur til þess að óska eftir endurgreiðslu með því að hafa samband við tix.is.
Miðahafar geta einnig notað miða sína í The Color Run í Reykjavík þann 28. ágúst í næsta mánuði þar sem enn er ráðgert að litahlaupið muni fara fram í Reykjavík.