Mikið kvartað undan lausagöngu hunda
Óvenju margar kvartanir og ábendingar hafa borist HAUST á undanförnum mánuðum vegna lausagöngu hunda í þéttbýli á Austurlandi, einkum á Egilsstöðum og í Neskaupstað.Leifur Þorkelsson framkvæmdastjóri HAUST segir að margt fólk sé hrætt við hunda þótt þeir séu allajafna meinlausir.
„Það er hinsvegar brot á gildandi samþykktum sveitarfélaga að láta hunda ganga lausa í þéttbýli,“ segir Leifur. „Og fólk á að hafa þá í ól ef þeir eru utandyra. Almenningur á ekki að þurfa að ganga fram á hunda á opinberum sttöðum án þess að þeir séu í ól.“
Nýlega var fjallað um þetta vandamál á fundi hjá HAUST og þar samþykkt að hvetja eigendur gæludýra að kynna sér gildandi samþykktir viðkomandi sveitarfélags um gæludýr og fara eftir þeim í hvívetna.
