Neistaflugstónleikarnir haldnir í ár
Síðastliðið vor tilkynnti Neistaflugsnefndin að ekkert Neistaflug yrði í ár vegna þess óvissuástands sem þá ríkti í samfélaginu varðandi heimsfaraldurinn.
Nú fyrir skömmu tilkynnti nefndin að stórtónleikarnir sem farið hafa fram á íþróttavellinum í Neskaupstað á sunnudagskvöldið um verslunarmannahelgina munu ferða haldnir.
Þeir sem koma fram á tónleikunum eru: Selma Björnsdóttir, Ágústa Eva Erlendsdóttir, Stefán Jakobsson, Gunni og Felix og Birnir. Hljómsveitin Buff mun sjá um spilamennskuna á tónleikunum.
Áður hafði verið tilkynnt um bæði fjölskyldutónleika og ball með Páli Óskari í Egilsbúð á laugardag um verslunarmannahelgina. Sá viðburðir er hluti af samstarfi Tónaflugs og QueerNes.
Þá verður sirkusnámskeið í íþróttahúsinu á föstudeginum svo nóg verður um að vera í Neskaupstað um verslunarmannahelgina.