Norðfjarðarhöfn aflahæst á landinu í fyrra
Norðfjarðarhöfn var aflahæsta höfn landsins í fyrra samkvæmt tölum Hagstofu Íslands. Landað var 163.959 tonnum á Norðfirði í fyrra sem er umtalsvert meira en á öllum öðrum höfnum.
Næst á eftir Norðfirði kemur höfnin í Vestmannaeyjum með 100.776 tonn og Eskifjarðarhöfn með 94.880 tonn og Vopnafjarðarhöfn með 93.744 tonn. Í áttunda sæti er Fáskrúðsfjarðarhöfn með 35.099 tonn.
Norðfjörður er í þriðja sæti lista Hagstofunnar sem mælir aflaverðmæti löndunarhafna en efst trónir Reykjavík og Grindavík í öðru sæti. Ásamt Norðfirði kemst aðeins ein önnur löndunarhöfn á Austurlandi inn á efstu tíu sætin þar en Eskifjarðarhöfn er í níunda sæti.
