Ný könnun: Hverjir eru á brúninni?
Framsóknarflokkurinn mælist með þrjá þingmenn í Norðausturkjördæmi í nýrri könnun MMR sem Morgunblaðið birtir í dag. Fimm flokkar fá einn þingmann hvern í kjördæminu.Útreikningar Morgunblaðsins byggja á þremur könnunum MMR frá undanfarinni viku.
Samkvæmt þeim fær Framsóknarflokkur 23,9% atkvæða og þrjá þingmenn En Sjálfstæðisflokkurinn 16% og tvo þingmenn.
Þar á eftir koma Samfylkingin með 10,6%, Píratar með 10,2% og Vinstrihreyfingin – grænt framboð með 10,2%. Öll þessi framboð fá einn þingmann.
Það gera einnig Viðreisn með 7,7% og Miðflokkurinn með 7,5%. Þingmaður Miðflokksins er jöfnunarþingmaður samkvæmt útreikningum blaðsins. Sósíalistaflokkurinn er með 7,6 en nær ekki þingmanni. 5% fylgi Flokks fólksins skilar ekki heldur þingmanni né 1,1% stuðningur við Frjálslynda lýðræðisflokksins.
Í Norðausturkjördæmi eru níu kjördæmakjörnir þingmenn og eitt jöfnunarþingsæti. Útreikningar jöfnunarsætanna eru flóknir og byggja á atkvæðum frá landinu öllu.
Samkvæmt útreikningum Austurfréttar á kjördæmasætunum, út frá tölunum, er annar maður Sjálfstæðisflokks sjöundi þingmaður kjördæmisins en þriðji maður Framsóknarflokks sá áttundi. Afar lítill munur er á milli þeirra.
Þingmaður Viðreisnar er síðastur kjördæmakjörnu þingmannanna, en skammt er milli hans, fyrsta manns Miðflokks og Sósíalista. Oddviti Sósíalista sem samkvæmt tölunum næstur inn kjördæmakjörinn.
Töluvert er síðan í næsta fulltrúa þar á eftir sem yrði fjórði maður Framsóknarflokks. Á eftir honum koma svo þriðji maður Sjálfstæðisflokks, annar fulltrú Samfylkingar og loks annar fulltrúi Pírata.