Rafmagn kemst á sunnanverðan Fáskrúðsfjörð
Verið er að vinna að viðgerð á rafmangslínu sem sló út í sunnanverðum Fáskrúðsfirði í óveðrinu um helgina. Enn eru þrír sveitabæir þar án rafmagns en viðgerð ætti að ljúka nú fyrir hádegið.Rafmagnstruflanir urðu einnig á Dalatangalínu og línan milli Breiðdalsvíkur og Teigahorns í Berufirði sló út. Ekki hefur tekist að koma henni í gagnið enn en það tókst að koma rafmagni á það svæði eftir varaleið samkvæmt upplýsingum frá bilanavakt RARIK.
Vaktstjóri á bilabavaktinni segir að selta sé orsökin fyrir þessum bilunum. Í óveðrinu hafi sjór fokið allt að 400 metra upp í fjallshlíðarnar á Austfjörðum með tilheyrandi seltu og klakamyndun á rafmagnslínum.
