Rafmagn víðast hvar komið á

Rafmagn komst á út að Vattarnesi en var tekið af aftur til að ljúka við viðgerð á línunni frá Kolmúla og inn á Reyðarfjörð. Vonast er til að viðgerð ljúki fyrir klukkan 20 í kvöld og þá verði aftur hægt að koma á rafmagni. Það fór upphaflega af á um miðnætti.

Varaafl er komið á öll lögbýli í sunnanverðum Fáskrúðsfirði. Þar varð einnig rafmagnslaust um miðnætti.

Í Berufirði varð rafmagnslaust í norðanverðum firðinum um klukkan tvö í nótt. Þar er búið að koma rafmagni á lögbýli en Karlsstaðaviti er án rafmagns.

Allir viðskiptavinir í Stöðvarfirði fengu rafmagn utan eins um klukkan fjögur í dag. Sá notanda er tengdur með loftlínu. Á þeim stað er ekki rafmagnsnotkun í augnablikinu og ekki talin þörf á bráðaviðgerð.

Þá var rafmagni komið á alla staði með fastri búsetu í Lóni í dag.

Ástæða rafmagnsleysisins eru mikil ísing og selta sem settust á raflínur síðustu nótt, slitu þær og brutu staura.