Rafmagnslaust á Upphéraði
Ekki er enn vitað hvað varð til þess að rafmagn fór af stórum hluta innanverðs Fljótsdalshéraðs, öllum Fljótsdal, Völlum og hluta Fella, skömmu fyrir klukkan hálf sjö í kvöld.Hjá bilanavakt Rarik fengust þær upplýsingar að ekki væri ljóst hvort slegið hefði út eða bilun komið upp. Reynt yrði að slá inn og komist rafmagn fljótt á aftur sé ekki bilun.
Sé það hins vegar reyndin muni rafmagnsleysið vara lengur. Viðgerðarflokkur er kominn í viðbragðsstöðu ef á þarf að halda.
