Sjaldséðar hitatölur á Austurlandi í mars
Veðurstofan spáir því að hitinn Austanlands fari í 15 stig í dag og á morgun. Þetta eru sjaldséðar hitatölur á landinu í marsmánuði.Spáin í dag hljóðar upp á suðlæga átt, víða 8-15 m/s og dálítil rigning eða súld, en 15-23 m/s á norðanverðu Snæfellsnesi fram á nótt. Skýjað, en þurrt að mestu á N- og A-landi. Hiti 5 til 15 stig, hlýjast austanlands.
Á morgun er gert ráð fyrir sama veðri og áfram hlýjast á Austurlandi. Um helgina fer svo að kólna og rigna. Þannig er gert ráð fyrir að á laugardag verði breytilegar áttir með slyddu eða rigningu í flestum landshlutum og að hitinn verði á bilinu 1 til 6 stig.
