Skautafélagið fær grindur að gjöf

Skautasvellið við Samfélagssmiðjuna hefur notið mikilla vinsælda meðal barna og fullorðinna í vetur. Skautafélaginu barst á dögunum gjöf frá versluninni Vaski en þau gáfu stuðningsgrindur fyrir byrjendur.

Þetta kemur fram á vefsíðu Múlaþings. Þar segir að grindurnar gera skauturum auðveldara fyrir að taka fyrstu skrefin í íþróttinni og finna jafnvægið.

„Okkur finnst svo flott framtak að bjóða upp á skautasvell hér á Egilsstöðum, að við vildum endilega fá að leggja okkar af mörkum og styðja við það,“ segir Tinna Björk Guðjónsdóttir innkaupastjóri Vasks í samtali á vefsíðunni.

Grindurnar hafa nú verið á svellinu í nokkrar vikur og gefið góða raun.

„Það er svo gaman þegar fjölskyldan getur hreyft sig öll saman, svona stuðningsgrindur auka möguleikann á því að allir geti verið með,“ segir Tinna Björk.

Skautasvellið er opið öllum og grindurnar til taks í birgi við svellið.

Mynd: Múlaþing.is

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.