Tilboði tekið í Eiða
Landsbankinn hefur tekið tilboði í eignir sem hafa verið til sölu á Eiðum.Þetta staðfestir upplýsingafulltrúi bankans í svari við fyrirspurn Austurfréttar en bætir við að ekki hafi verið gengið frá kaupsamningi. Búið er að taka eignina af söluskrá.
Bankinn tók tilboði fyrr í vor en það var gert með fyrirvörum um fjármögnun. Það gekk síðan til baka.
Bankinn eignaðist Eiða fyrir tæpum tveimur árum og setti jörðina og fasteignir þar fljótlega á sölu. Jörðin er 768 hektarar að stærð og byggingar á henni 4707 fermetrar. Eru þar aðallega byggingar sem áður tilheyrðu Alþýðuskólanum á Eiðum svo sem íþróttahús, heimavistarhús, íbúðahús, kennslustofur og salir.
Ekkert verð var sett á eignirnar. Fasteignamat var 287 milljónir en brunabótamat 1,18 milljarðar.
