Varað við vindi í fyrramálið
Veðurstofan hefur gefið út gula viðvörun fyrir Austfirði og Suðausturland vegna yfirvofandi storms í fyrramálið.Viðvörunin gildir frá klukkan þrjú í nótt til níu í fyrramálið.
Gert er ráð fyrir norðvestan 15-23 m/s meðalvindhraða með hvössum vindstrengjum, einkum við fjöll upp á 30-35 m/s.
Slíkur vindstyrkur getur verið varasamur fyrir vegfarendur og er fólki bent á að ganga frá lausum munum til að fyrirbyggja foktjón.