Bátur strandaði utan við Skála á sunnanverðu Langanesi um miðnætti í nótt. Tveir menn voru um borð. Allar björgunarsveitir á norðausturlandi voru kallaðar út og björgunarskipið Sveinbjörn Sveinsson frá Vopnafirði fór á vettvang.
Lögreglufélag Austurlands skorar á nýjan dómsmálaráðherra að koma málefnum lögreglunnar í landinu í „ásættanlegan farveg sem allra fyrst.“ Félagið leggst um leið gegn hugmyndum um að lögregluumdæmin í landinu verði öll sameinuð í eitt.
María Óskarsdóttir frá Fáskrúðsfirði er ein þeirra sem átti bókað flug frá Egilsstöðum til Reykjarvíkur í gær en tvær af þremur vélum dagsins voru felldar niður eftir að bilun kom í ljós þegar miðdegisvélin átti að fara frá Egilsstöðum. María, eiginmaður hennar og tengdamóðir eiga bókað flug til Danmerkur í dag og þurftu að keyra suður í nótt eftir að hafa beðið í óvissu fram eftir degi í gær.
Lögreglustjórinn á Austurlandi hefur ákært karlmann á fertugsaldri fyrir að nýta sér ástand annarrar manneskju til að láta sig hafa fjármuni upp á rúmlega 6,1 milljón króna.
Ragna S Óskarsdóttir keypti íbúð á Borgarfirði eystra fyrir tveimur árum síðan og ætlaði að nýta hana sem sumarhús. Hún hefur nú stofnað þar fyrirtæki og hafið framleiðslu á sængum úr íslenskum æðardúni.
Niðurgreiðsla flugfargjalda fyrir íbúa landsbyggðarinnar er eitt af áhersluverkefnum samgönguráðuneytisins í frumvarpi til fjárlaga fyrir árið 2020. Framkvæmdastjóri Austurbrúar segir ánægjulegt að eitt af stærstu áherslumálum landsbyggðarinnar sé að verða að veruleika.
Endurskoða á menntun íslensks heilbrigðisstarfsfólks þannig að hún henti séríslenskum aðstæðum samkvæmt nýsamþykktri heilbrigðisstefnu. Forstjóri Heilbrigðisstofnunar Austurlands segir að hvetja þurfi fólk strax í námi til þess að kjósa síðar meir að starfa á landsbyggðinni.
Bílvelta varð á áttunda tímanum í morgun á Norðfjarðarvegi. Að sögn lögreglunnar á Austurlandi varð slysið til móts við reiðhöll hestamannafélagsins Blæs, nálægt gatnamótum Norðfjarðarvegs og Oddskarðsvegs.
Austurbrú, í samstarfi við ráðgjafafyrirtækið Capacent, stendur í dag og á morgun fyrir fjórum íbúafundum á Austurlandi um gerð nýrrar sóknaráætlunar fjórðungsins.
Air Iceland Connect mun fljúga aukaflug milli Egilsstaða og Reykjavíkur í dag til að vinna upp tafir sem urðu eftir að vél félagsins bilaði á Egilsstöðum í gær og fella varð niður flug.
Fjögur sveitarfélög á Austurlandi, þar sem íbúar kjósa um sameiningu í lok næsta mánaðar, gætu fengið 1,1 milljarða króna frá ríkinu til að styrkja nýtt sveitarfélag verði af sameiningu.