Alls óljóst er hvers vegna tankskipið Key Bora tók skyndilega 90 til 100 gráðu beygju í átt að landi og strandaði tímabundið í fjörunni eftir að hafa lagt úr höfn í Fáskrúðsfirði örskömmu áður. Skipið náðist að losa fyrir eigin vélarafli á innan við klukkustund.
Það var snemma morguns fyrir sléttu ári síðan, þann 27. mars 2023, sem snjóflóð féllu í byggð í Neskaupstað með þeim afleiðingum að töluverðar skemmdir urðu á mannvirkjum, bílum og búnaði ýmsum. Þótti mildi hin mesta að engin alvarleg slys urðu á fólki þó um tugur manna hafi leitað sér læknisaðstoðar vegna minniháttar meiðsla.
Þriðja úthlutun úr frumkvæðissjóði verkefnisins Sterkur Stöðvarfjörður fór fram í síðustu viku en þar hlutu ein átján mismunandi verkefni náð fyrir augun úthlutunarnefndar.
Einkahlutafélagið 701 Fasteignir keypt Hótel Valaskjálf á Egilsstöðum og Hótel Hallormsstað af Þránni Lárussyni. Nýir eigendur hafa hug á að stækka Valaskjálf á næstu árum. Nýr hótelstjóri er tekinn til starfa.
Niðurstöður síðustu sýnatöku úr neysluvatni á Stöðvarfirði sýnir að það er enn mengað og upp á vantar að vatnið standist lágmarkskröfur miðað við reglugerð þar að lútandi. Það merkir að Stöðfirðingar ættu til öryggis að sjóða allt sitt neysluvatn meðan svo er.
Nýkynnt fyrstu drög að borgarstefnu stjórnvalda, sem meðal annars felur í sér að Akureyri verði að formlegri borg auk Reykjavíkur, eru til þess fallin að draga enn meira úr vægi annarra landshluta eins og Austurlands að mati sveitarstjórnarmanns hjá Múlaþingi.
Formaður bæjarráðs Fjarðabyggðar segir mikilvægt að Íslandspóstur dragi úr neikvæðum áhrifum þess að loka fjórum pósthúsum í sveitarfélaginu með góðri kynningu á annarri þjónustu og að hún sé alls staðar til staðar.
Íslandspóstur ohf. hefur ákveðið að loka fjórum pósthúsum í Fjarðabyggð í byrjun júní. Við breytingarnar fækkar um tæplega eitt stöðugildi á svæðinu. Póstbox verða sett upp í staðinn.
Upp úr klukkan ellefu í morgun urðu mannleg mistök til þess að rafmagn fór af Seyðisfirði öllum. Svæðisvakt RARIK hefur nú þegar ráðið bót á og er rafmagn aftur komið á á öllum stöðum.
Rekstrarniðurstaða Múlaþings árið 2023 er um 200 milljónum lakari samkvæmt ársreikningi en gert var ráð fyrir í áætlunum. Há verðbólga og auknar lífeyrisskuldbindingar eru sögð helsta ástæðan.