Bæjarfulltrúarnir Stefán Bogi Sveinsson og Gunnhildur Ingvarsdóttir skipa tvö efstu sæti framboðslista Framsóknarflokksins á Fljótsdalshéraði fyrir sveitarstjórnarkosningarnar í vor. Félagsfundur samþykkti í gær tillögu uppstillingarnefndar.
Útlit er fyrir að kjósendur í Fjarðabyggð geti valið milli fjögurra framboða í sveitastjórnarkosningunum í vor þar sem Miðflokkurinn bætist í hópinn. Deild flokksins í sveitarfélaginu verður stofnuð á morgun. Flokksfélagar segjast finna áhuga á nýja framboðinu.
Stefán Grímur Rafnsson, oddviti sveitarstjórnar á Vopnafirði, hefur ákveðið að gefa kost á sér áfram til setu í sveitarstjórn undir merkjum Betra Sigtúns. Miklar breytingar hafa orðið á framboðinu á kjörtímabilinu.
„Það skiptir Heilbrigðisstofnun Austurlands miklu máli að fá svo góðar niðurstöður,“ segir Adda Birna Hjálmarsdóttir, gæðastjóri HSA, um könnun sem framkvæmdastjórn stofnunarinnar stóð nýlega fyrir meðal kvenna sem sóttu mæðravernd innan HSA og viðhorfi þeirra til fæðingadeildar umdæmissjúkrahúss Austurlands, HSA í Neskaupstað.
Fulltrúar frá Ítalíu, Íslandi og Belgíu komu nýverið saman á Djúpavogi til að semja menntastefnu hinna alþjóðlegu Cittaslow-samtaka sem Djúpavogshreppur er aðili að. Skólastjórinn segir að síðar meir muni menn líta á helgina á Djúpavogi sem stórviðburð.
„Við sjáum að ofbeldi getur verið til staðar í samböndum unglinga án þess að forráðamenn og jafnvel ungmennin sjálf geri sér grein fyrir því,“ segir Þóra Björt Sveinsdóttir, ráðgjafi hjá Stígamótum, en samtökin fyrirlestra um verkefnið Sjúk ást fyrir forráðamenn ungmenna á Reyðarfirði í dag og á Egilsstöðum í kvöld.
Íbúar Fljótsdalshéraðs eru þeir einu sem eru áberandi fylgjandi sameiningu sex sveitarfélaga á Austurlandi. Aðrir sameiningarkostir fá dræmar undirtektir en víða er vilji til aukins samstarfs. Fljótsdælingar og Vopnfirðingar vilja engar sameiningar.
Jens Garðar Helgason verður áfram oddviti Sjálfstæðisflokksins í Fjarðabyggð, líkt og hann hefur verið frá 2010. Talsverð endurnýjun er á framboðslista flokksins en tillaga uppstillingarnefndar var samþykkt samhljóða á fundi fulltrúaráðs í gærkvöldi.
Stjórn Héraðslistans, samtaka félagshyggjufólks á Fljótsdalshéraði, hefur ákveðið að leggja til að listinn bjóði ekki fram í sveitarstjórnarkosningunum í vor. Ástæðan er að enginn finnst til að leiða listann.