Bæjarstjóri Seyðisfjarðarkaupstaðar segir ástæðu til bjartsýni í sveitarfélaginu á næstu árum þar sem tiltekt í fjármálum sveitarfélagsins sé að skila árangri. Eins sé tekið eftir bænum á heimsvísu og það sé að þakka mikilli vinnu.
Austurfrétt hefur staðið fyrir kosningu um Austfirðing ársins frá því að vefurinn hóf göngu sína árið 2012. Nú gefst lesendum tækifæri til að tilnefna þá sem þeir telja eiga heima í kjörinu.
Skúli Óskarsson, kraftlyftingamaður frá Fáskrúðsfirði, var í gærkvöldi tekinn inn í heiðurshöll Íþrótta- og Ólympíusambands Íslands. Skúli er annar Austfirðingurinn sem útnefndur er í heiðurshöllina.
Lögreglan á Austurlandi beinir því til ferðaþjónustuaðila að aðstoða erlenda ferðamenn til að leita upplýsingar um færð og veður. Flest útköll lögreglunnar undanfarnar tvær vikur hafa tengst ófærð.
Þingmaður Miðflokksins segir furðulegt hvernig hálfum milljarði hafi verið bætt við til framkvæmda á veginum í botni Skriðdals milli umræðna um fjárlög ársins 2018 þegar brýnni verkefni á Austurlandi bíði afgreiðslu.
Sveitarfélagið Fjarðabyggð hefur verið sýknað af öllum kröfum eigenda hluta hluta húseignar á Fáskrúðsfirði um að greiða þeim lögmannskostnað sem þeir lögðu út í við að gæta hagsmuna sinna. Sveitarfélagið gaf út leyfi til að breyta þeim hluta hússins sem þeir áttu ekki og afturkallaði það svo. Dómurinn bendir á að lagaákvæði um útgáfu byggingaleyfa séu misvísandi.
Nýtt vallarhús verður stærsta framkvæmd Vopnafjarðarhrepps á árinu 2018. Gert er ráð fyrir ríflega 130 milljóna hagnaði af rekstri sveitarfélagsins á næsta ári.
Sigrún Blöndal, formaður Sambands sveitarfélaga á Austurlandi og oddviti Héraðslistans í bæjarstjórn Fljótsdalshérað, hefur ákveðið að gefa ekki kost á sér í sveitastjórnarkosningunum í vor. Hún segir tíma til kominn að snúa sér að nýjum verkefnum.
Ekki er talið að vinnsla á 520 þúsund rúmmetrum á efni úr sjó við Eyri í Reyðarfirði hafi teljandi áhrif á umhverfið í nágrenninu. Þar er eitt stærsta setsvæðið á grunnsævi í firðinum.
Þrjú varnarhólf fyrir sauðfjárveikivarnir á Austurlandi losna undan höftum riðuskilgreiningar um áramótin. Þar með verður aflétt höftum á flutningi á fé innan hólfanna.
Annríki var hjá austfirskum björgunarsveitum seinni partinn í gær og gærkvöldi. Snjóflóð lokaði veginum yfir Fagradal og flytja þurfti lækni til Seyðisfjarðar.