„Ég slæ varnagla við fiskeldi í opnum sjókvíum. Það er enn of margt óljóst, meðal annars hefur ekki verið sýnt með rökstuddum hætti fram á að þau stórtæku áform sem uppi eru skaði ekki lífríki fjarða,“ segir Berglind Häsler, bóndi og matvælaframleiðandi á Karlsstöðum í Berufirði, en hafin er undirskriftasöfnun gegn fyrirhugaðs laxeldis á suðurfjörðum Austfjarða.
„Við höfðum bara tvo daga til að bregðast við,“ segir Gauti Jóhannesson, sveitarstjóri á Djúpavogi, en Djúpavogshreppur festi nýverið kaup á útskorum fálka eftir myndhöggvarann Ríkarð Jónsson, sem seldur var á uppboði hjá Chiswick-uppboðshúsinu í London í byrjun febrúar.
„Nei, það veit enginn hvað gerðist, við höfum ekki hugmynd um það,“ segir Friðrik Árnason, eigandi eikarbátsins Sögu SU 606, sem sökk í höfninni á Breiðdalsvík aðfaranótt sunnudags.
Ásmundur Einar Daðason, félags- og jafnréttismálaráðherra og Páll Björgvin Guðmundsson, bæjarstjóri Fjarðabyggðar, undirrituðu í gær samning um móttöku fjögurra flóttafjölskyldna frá Írak. Samningurinn felur í sér verkskiptingu milli ríkis og sveitarfélags.
Listahátíðin LungA og menningarmiðstöðin Skaftfell fengu hæstu styrkina þegar úthlutað var úr Uppbyggingarsjóði Austurlands á mánudag. Alls var úthlutað rúmum 60 milljónum til yfir 80 verkefna sem efla atvinnuþróun og menningu í landshlutanum.
Engin slys urðu á fólki en jeppabifreið skemmdist töluvert í árekstri á Fagradal í gærkvöldi. Ekki voru fleiri beiðnir um aðstoð þótt veðrið væri vont í gærkvöldi og frameftir nóttu.
Tveir af þremur bæjarfulltrúum Fjarðalistans hafa ákveðið að gefa ekki kost á sér til áframhaldandi setu í bæjarstjórn. Uppstillinganefnd mun raða upp á listann fyrir komandi sveitarstjórnarkosningar.
Hollenska skipafélagið Cargow, sem reglulega siglir til Reyðarfjarðar samkvæmt samningum við Alcoa, hefur tekið ákveðið að endurnýja skipakost sinn með fjórum nýjum flutningaskipum.
„Starfsfólk, jafnt karlar sem konur, hafa almennt lýst ánægju sinni með þetta frumkvæði og þátttakan í fundunum sem haldnir voru var góð,“ segir segir Dagmar Ýr Stefánsdóttir, upplýsingafulltrúi Alcoa Fjarðaáls, en upp á síðkastið hefur verið fundaröð hjá fyrirtækinu undir merkjum #metoo byltingarinnar.
Íbúar og velunnarar á Borgarfirði eystra telja algjört forgangsatriði að koma dagvöruverslun í þorpinu sem fyrst á laggirnar á ný. Húsnæðis- og samgöngumál eru þeim einnig ofarlega í huga.
Verkefninu Brothættar byggðir verður hleypt af stokkunum á Borgarfirði eystra um helgina með íbúaþingi. Þingið er ætlað að vera veganestið fyrir verkefnið sem stendur í allt að fjögur ár.
Tíu umferðaróhöpp hafa orðið í umdæmi lögreglunnar á Austurlandi undanfarnar tvær vikur og hefur hálkan reynst ökumönnum erfið. Einn var kærður fyrir að aka með of háan farm um Fáskrúðsfjarðargöng.