„Meginmarkmið rannsóknarinnar var að skoða hvaða áhrif það hefur á búsetu fólks finni það sér maka annars vegar innan og hins vegar utan heimabyggðar,“ segir Kolbrún Ósk Baldursdóttir, frá Djúpavogi. Hún skilaði af sér lokaritgerð í BA-námi sínu við félagsvísindadeild Háskólans á Akureyri um þessi mál nú í vor.
Ökumenn á leiðinni um Berufjörð í dag geta búist við töfum eftir hádegi vegna framkvæmda sem þar eru í gangi. Varað er við hvassviðri á svæðinu í kvöld.
Sigmundur Davíð Gunnlaugsson, fyrrum oddviti Framsóknarflokksins í Norðausturkjördæmi, hefur ekki enn gefið það út með óyggjandi hætti í hvaða kjördæmi hann bjóði sig fram í komandi þingkosningum. Á sama tíma basla fyrrum samherjar hans við að koma saman framboðslista.
Austurbrú, í samstarfi við önnur landshlutasamtök, Byggðastofnun og fleiri hagsmunasamtök landshluta, stendur í dag fyrir málþingi um málefni innanlandsflugs.
Öryggi vegfarenda og þýðing fyrir atvinnulíf eru þær þættir sem virðast vega þyngst í mati Vegagerðarinnar á því að betra sé að þjóðvegur 1 liggi framvegis um Suðurfjarðaveg í stað Breiðdalsheiði.
Átta Austfirðingar eru á lista Sjálfstæðisflokksins fyrir komandi þingkosningar en listinn var samþykktur á fundi kjördæmisráðs flokksins í gær. Arnbjörg Sveinsdóttir, forseti bæjarstjórnar á Seyðisfirði og fyrrverandi þingmaður, er efst Austfirðinganna og skipar fjórða sætið.
Starfshópur sem samgönguráðherra hefur skipað til að meta möguleika á niðurgreiðslum í innanlandsflugi er tekinn til starfa. Hópurinn á meðal annars að skoða niðurgreiðslur sem Skotar hafa beitt með góðum árangri.
Arngrímur Viðar Ásgeirsson, hótelstjóri á Borgarfirði eystra, mun leiða lista Bjartrar framtíðar í Norðausturkjördæmi í komandi þingkosningum. Tilkynnt var um sex efstu frambjóðendur í hverju kjördæmi í gær.
Fimm Austfirðingar eru á lista Samfylkingarinnar í Norðausturkjördæmi sem lagður var fram í gær. María Hjálmarsdóttir, verkefnastjóri hjá Austurbrú, er efst Austfirðinga.
Viðlagatrygging Íslands hefur óskað eftir því að þeir sem telja sig hafa orðið fyrir tjóna af völdum flóðanna á Austurlandi síðustu daga tilkynni það sem fyrst.