Austfirskir keppendur unnu til þrennra verðlauna og sex verðlauna alls á Íslandsmóti 15-22ja ára í frjálsíþróttum um helgina. Þjálfari hópsins segir að gaman hafi verið að fylgja samheldnum hópi eftir undanfarin ár.
Fiskeldisfyrirtækið Laxar hafa samið við Djúpavogshrepp um forgangsrétt að lóð undir fiskvinnslu við Innri-Gleðivík. Framkvæmdastjórinn segir tímasetningu og stærð bygginganna velta á hraða uppbyggingar laxeldis á Austfjörðum. Sveitarstjóri Djúpavogshrepps segir fiskeldið koma með mikilvæg störf í byggðarlagið.
Skólasetning Verkmenntaskóla Austurlands á mánudag var haldin utan dyra. Hefð fyrir því hefur myndast undanfarin ár. Skólameistari segist ánægður með aðsókn í verknámið í skólanum.
Vonir eru bundnar við að ný flugbraut á Norðfjarðarflugvelli auki mjög öryggi í heilbrigðisþjónustuá Austurlandi. Forseti bæjarstjórnar Fjarðabyggðar segir baráttuna fyrir endurbættri braut hafa verið hagsmunamál alls Austurlands.
Jón Gunnarsson, samgönguráðherra, hyggst á næstunni skipa starfshóp til að meta þá kosti sem eru í boði fyrir jarðgöng til Seyðisfjarðar. Hann segir mikilvægt að taka ákvörðun að vel ígrunduðu máli til koma í veg fyrir að framkvæmdin rati síðar í ógöngur.
Tvær konur sóttu um stöðu sóknarprests í Hofsprestakalli en umsóknarfrestur rann út um miðja síðustu viku. Nýr prestur verður skipaður frá 15. október að undangengnum prestskosningum.
Búast má við 15-30 mínútna töfum á Hringveginum um Berufjörð í dag. Þar eru nýhafnar framkvæmdir við nýjan veg í firðinum sunnanverðum.
Atvinnurekandi á Breiðdalsvík segir margra tíma rafmagnsleysi koma illa niður á bæjarlífinu. Bærinn var án rafmagns í sjö tíma í gær. Varavél sem þjóna á svæðinu er suður í Öræfum. Breiðdælingar eru ósáttir við að ekki hafi verið staðið við áætlanir um úrbætur til að koma í veg fyrir langtíma rafmagnsleysi.
Rafmagnslaust hefur verið á Breiðdalsvík og næstu bæjum frá því um klukkan hálf þrjú í dag. Bilun í jarðstreng er talin orsökin.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.