Fleiri en einn hefðu átt að vera á vakt í brú flutningaskipsins Akrafells þegar það strandaði við Vattarnes, yst í Reyðarfirði, haustið 2014. Viðvörunarkerfi í brúnni voru heldur ekki í gangi. Aðalorsökin er samt að stýrimaður sofnaði á vakt.
Tæplega fjórtán milljóna króna afgangur varð af rekstri Borgarfjarðarhrepps á síðasta ári, að því er fram kemur í ársreikningi.
Afgreiðslu á nýtingarrétti æðarvarps á jörðinni Búlandsborgum í Norðfirði á var frestað á fundi bæjarráðs Fjarðabyggðar þar sem bæjarfulltrúarnir tveir sem sátu þá á fundinum voru ósammála. Fulltrúi Fjarðalistans telur ágalla hafa verið á auglýsingunni.
Veiðifélögin á Austurlandi telja Matvælastofnun hafa farið út fyrir heimildir sínar þegar stofnunin gaf leyfi fyrir 7000 tonna eldi Laxa í Reyðarfirði. Beðið er rökstuðnings MAST á ákvörðuninni.
Biskupsstofa hefur staðfest að almenn prestskosning verði um nýjan sóknarprest í Hofsprestakalli sem nær yfir Hofs-, Skeggjastaða- og Vopnafjarðarsóknir. Ekki hefur er enn ljóst hvenær verður kosið en nýr prestur á að taka við um miðjan október.
Alcoa Fjarðaál varð nýverið fyrsta stóriðjufyrirtækið sem hlýtur vottun á jafnlaunastaðli velferðarráðuneytisins. Framkvæmdastjóri mannauðsmála segir það traustvekjandi fyrir starfsfólk að vita að launaákvarðanir séu ekki teknar handahófskennt.
Seyðisfjarðarkaupstaður hefur óskað eftir stuðningi frá íslenska ríkinu vegna tjóns sem varð eftir miklar rigningar í lok júní. Skoðað er hvort hægt verði að bæta ofanflóðavarnir til framtíðar um leið og hreinsað verður eftir flóðin.
Fjárfestingar atvinnufyrirtækja í Fjarðabyggð undanfarin fimm ár nema 57 milljörðum króna. Mest hefur verið fjárfest í sjávarútvegi þar sem skip og vinnslur hafa verið endurnýjaðar.
Nýliðinn júlímánuður mældist sá fjórði hlýjasti í sögunni á Teigarhorni í Berufirði, elstu veðurstöð Austurlands. Mánuðurinn á höfuðborgarsvæðinu var ekki nærri jafn slæmur og látið var í veðri vaka.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.