Gestir sem heimsækja Austurland heim nefna Egilsstaði sem það neikvæðasta við fjórðunginn. Einkum er horft til þjónustunnar á staðnum. Bæjarfulltrúar á Fljótsdalshéraði telja mikilvægt að þjónustuveitendur axli sína ábyrgð.
Valdimar O. Hermannsson, rekstrarstjóri hjá Heilbrigðisstofnun Austurlands í Neskaupstað, hefur verið ráðinn rekstarstjóri Brammer á Austurlandi og hefur störf þar eigi síðar en 1. janúar næstkomandi.
Ellefu einstaklingar sóttu um stöðu skógræktarstjóra en frestur til að sækja um starfið rann út í byrjun vikunnar. Jón Loftsson sem gegnt hefur stöðunni í aldarfjórðung lætur af störfum um áramót.
Mannvirkjastofnun gerir margvíslegar athugasemdir við aðbúnað Brunavarna á Austurlandi í nýrri skýrslu. Meðal annars er talið hæpið að nægt vatn sé til staðar í slökkvistarf í þremur austfirskum þéttbýlisstöðum.
Krabbameinsfélag Austfjarða heiðraði þrjár hvunndagshetjur síðastliðinn sunnudag í tilefni af Bleikum október.
Fulltrúar minnihlutans í bæjarstjórn Fljótsdalshéraðs óttast að tillögur meirihluta fræðslunefndar um sparnað í fræðslumálum feli í sér óásættanlega þjónustuskerðingu. Útlit er fyrir að tillögurnar gangi til baka að hluta. Bæjarfulltrúar meirihlutans segja nefndina hafa unnið gott starf við erfiðar aðstæður.
Austfirskir sveitastjórnarmenn vilja að íslensk stjórnvöld endurskoði afstöðu sína á stuðningi við viðskiptabann við Rússland.
Mannvirkjastofnun gerir athugasemd við að ekki liggi fyrir brunavarnaáætlun fyrir Brunavarnir á Austurlandi. Hún hefur verið í smíðum frá því að slökkviliðið var stofnað í byrjun árs 2007. Eldvarnaeftirliti er einnig talið ábótavant.Fulltrúar Mannvirkjastofnunar koma austur innan til tíðar til að ræða málefni Brunavarna á Austurlandi. Margvíslegar athugasemdir komu fram við aðbúnað slökkviliðsins í úttekt stofnunarinnar. Forstjórinn segir engin stórtæk úrlausnarefni bíða en þó þurfi formlega að klára málin.
Arnaldur Máni Finnsson hefur verið ráðinn í starf frétta- og dagskrárgerðarmanns hjá Ríkisútvarpinu á Austurlandi. Hann kemur til starfa um miðjan nóvember við hlið Rúnars Snæs Reynissonar sem unnið hefur fyrir RÚV í fjórðungnum undanfarin ár.
Björn Ingimarsson, formaður stjórnar Brunavarna á Austurlandi, segir að næstu skref í úrbótum hjá slökkviliðinu verði stigin í samvinnu við Mannvirkjastofnun. Stofnunin gerir margvíslegar athugasemdir við aðbúnað slökkviliðsins í nýrri úttekt.
Björgunarsveitin Vopni á Vopnafirði hefur tvívegis verið kölluð vegna ferðalanga í vandræðum á fjallvegum það sem af er vikunni. Færð á vegum endurspeglar að haustið er komið.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.