Eigna- skipulags- og umhverfisnefnd Fjarðabyggðar samþykkti á síðasta fundi sínum að úthluta sveitarfélaginu lóð að Þiljuvöllum í Neskaupstað með það fyrir augum að flytja þangað Gamla Lúðvíkshúsið.
Umræðuþátturinn Stjórnarráðið var á dagskrá sjónvarpsstöðvarinnar ÍNN í gærkvöldi. Willum Þór Þórsson og Ásmundur Friðriksson, alþingismenn Framsóknarflokks og Sjálfstæðisflokks fara með þáttarstjórn og gestur þeirra í gærkvöldi var Vigdís Hauksdóttir, formaður fjárlaganefndar Alþingis og þingmaður Framsóknarflokksins.
Hinn 15. október nk. mun Freysteinn Bjarnason láta af störfum framkvæmdastjóra Samvinnufélags útgerðarmanna í Neskaupstað sökum aldurs en hann hefur gegnt starfinu frá árinu 2005. Við starfinu tekur Guðmundur Rafnkell Gíslason sem að undanförnu hefur gegnt starfi framkvæmdastjóra Sjónaráss.
Verkfræðistofan Hnit, sem hefur eftirlit með framkvæmdum við ný Norðfjarðargöng, hefur tekið myndavélarflygildi (dróna) í sína þjónustu. Tvö myndbönd af svæðinu má sjá á YouTube-rás stofunnar.
Það er ekki á hverjum degi sem að auglýst er starf á vegum ríkisins á Borgarfirði eystri. Nú er það hins vegar reyndin, en Heilbrigðisstofnun Austurlands auglýsti nýverið eftir hjúkrunarfræðingi eða sjúkraliða í 40% starf á Borgarfirði.
Augnlæknaþjónusta mun verða í boði í Fjarðabyggð í kringum mánaðarmótin september-október. Þetta verður í fyrsta sinn í meira en ár sem augnlæknaþjónusta verður í boði í sveitarfélaginu.
Samkvæmt Þráni Lárussyni, stjórnarformanni 701 Hotels ehf., hefur fyrirtækið undirritað samkomulag við Fljótsdalshérað og Fljótsdalshrepp um kaup á byggingum Hallormsstaðarskóla. Samkvæmt Þráni er ætlunin sú að nýta skólabyggingarnar til þess að stækka Hótel Hallormsstað og áætlar fyrirtækið að ráðast í umtalsverðar framkvæmdir á húsnæðinu strax í vetur.