Heilbrigðisstofnun Austurlands var rekin með 36 milljón króna halla á síðasta ári og í lok ársins 2014 nam uppsafnaður rekstrarhalli stofnunarinnar 278 milljónum króna. Þetta kemur fram í nýrri skýrslu Ríkisendurskoðunar, þar sem fyrri ábendingar til Velferðarráðuneytisins og HSA vegna rekstrarvanda heilbrigðisstofnunarinnar eru ítrekaðar.
Hinn 18 ára gamli Kolbeinn Ísak Hilmarsson opnaði á dögunum bílaþvottastöðina Bílaþvottahúsið í Fellabæ. Kolbeinn er nýútskrifaður úr Menntaskólanum á Egilsstöðum, þar sem hann lauk námi á þremur árum.
Síminn hefur bætt við þremur nýjum 4G sendum á Austurlandi sem dekka eiga Fellabæ, Norðfjörð og Eskifjörð. Slík þjónusta er nú í boði fyrir 84% landsmanna.
Bæjarstjóri Fljótsdalshéraðs kynnti sjónarmið meirihluta bæjarstjórnar sveitarfélagsins á fundi umhverfis- og samgöngunefndar um að skipulag alþjóðaflugvalla ætti heima hjá ríkinu. Eftir að frumvarp þess efnis var afgreitt úr nefndinni í morgun kölluðu nefndarmenn eftir því að sveitarfélagið kæmi til að útskýra sjónarmið sitt.
Farþegum með morgunvél Flugfélags Íslands frá Egilsstöðum til Reykjavíkur á föstudagsmorgun brá nokkuð í brún þegar suðandi laumufarþegi birtist óvænt um borð í vélinni.
Aðeins konur munu sitja fyrsta fund bæjarstjórnar Fjarðabyggðar þegar hún kemur saman á ný eftir sumarleyfi. Þá munu konur einnig skipa meirihluta fastra bæjarfulltrúa.
Sigrún Blöndal, forseti bæjarstjórnar Fljótsdalshéraðs og formaður Sambands Sveitarfélaga á Austurlandi, hefur áhyggjur af tilhneigingu stjórnvalda til að auka ráðherraræði og þrengja að að skipulagsvaldi sveitarfélaga. Þetta segir hún vegna frumvarps Höskulds Þórhallssonar, sem felur í sér að skipulag alþjóðaflugvallanna í Reykjavík, á Akureyri og á Egilsstöðum heyri undir innanríkisráðherra.
Gunnar Jónsson, formaður bæjarráðs Fljótsdalshéraðs, segir framgöngu borgaryfirvalda í Reykjavík ástæðu þess að bæjarstjórn Fljótdalshéraðs styðji hugmyndir um að skipulag Reykjavíkurflugvallar og annarra alþjóðaflugvalla á Íslandi verði flutt til innanríkisráðherra. Hann segir borgaryfirvöld í Reykjavíkurborg ítrekað hafa „sýnt landsbyggðinni fingurinn“ með gjörðum sínum.
Nú fer að draga nær lokum gangagraftrar, en jarðgangamenn eru nú komnir nokkuð áleiðis á síðasta kílómetrann. Alls hafa nú verið grafnir 6.690 metrar af þeim 7.566 metrum jarðganga í bergi milli Eskifjarðar og Norðfjarðar.
Elsa Guðný Björgvinsdóttir hefur verið ráðin safnstjóri Minjasafns Austurlands. Hún tekur við starfinu í haust af Unni Birnu Karlsdóttur.
Íbúar á Héraði og víðar á Austurlandi vöknuðu upp við fannhvíta jörð í morgun, þrátt fyrir að komið sé fram í júní. Útlit er fyrir áframhaldandi kulda og úrkomu fram eftir vikunni.
Austfirsku sveitarfélögin Seyðisfjarðarkaupstaður og Fljótsdalshérað styðja hugmyndir um að skipulag Reykjavíkurflugvallar og annarra alþjóðaflugvalla á Íslandi yrði flutt til innanríkisráðherra. Tekist hefur verið á um málið á Alþingi í morgun.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.