160 keppendur á Íslandsmóti í blaki
Íþróttir • This email address is being protected from spambots. You need JavaScript enabled to view it. • Fyrst birt 23. nóv 2015 12:08 • Uppfært 23. nóv 2015 12:10
Um 160 ungir blakarar mættu til keppni á Íslandsmótinu í 3. og 5. flokki sem fram fór í Neskaupstað um helgina. Austfirðingar fjölmenntu og náðu ágætum árangri.
Alls tóku 25 lið þátt í mótinu, þar af meira en helmingurinn að austan. Þróttur Neskaupstað átti flest lið, 10 og Huginn Seyðisfirð næst flest, fimm.
Þeim gekk líka ágætlega. Þróttur vann 3. og 5. stig í 5. flokki, B-liðið varð í þriðja sæti á 5. stigi en lið Hugins í því sæti á 3. stigi.
Í þriðja flokki kvenna hjá B-liðum varð lið Þróttar í öðru sæti og Leiknir Fáskrúðsfirði í því þriðja.
Mynd: Sigga Þrúða
