Aukinn hlutur Fljótsdalshrepps í Hallormsstaðarskóla
Lífið • This email address is being protected from spambots. You need JavaScript enabled to view it. • Fyrst birt 07. jan 2010 16:44 • Uppfært 08. jan 2016 19:21
Fljótsdalshreppur greiðir framvegis helming rekstrarkostnað Hallormsstaðarskóla á móti sveitarfélaginu Fljótsdalshéraði. Eignaraðild hreppsins í byggingum skólans verður 50% en hreppurinn kaupir 19% hlut af Fljótsdalshéraði.
Greitt er fyrir hlutinn með viðhaldsfé á tíu árum. Sérstök skólanefnd verður framvegis yfir skólanum með tveimur fulltrúum frá hvoru sveitarfélagi. Hreppsnefnd Fljótsdalshrepps samþykkti samninginn á fundi sínum í vikunni og fól oddvita að undirrita hann en samningurinn tekur gildi við undirskrift og er óuppsegjanlegur 2010-2019. 
