Austfirðingur ársins 2022

Höfundur: Gunnar Gunnarsson • Skrifað: 09. janúar 2023.

Sjö tilnefningar eru til nafnbótarinnar Austfirðings ársins 2022. Kosning er hafin og stendur út sunnudaginn 15. janúar.

Austfirðingar ársins 2022

Alona Perepelytsia, Egilsstöðum. Alona, sem sjálf er úkraínsk að uppruna, barðist fyrir því að vekja athygli á málstað Úkraínu eftir að Rússlandsher réðist inn í landið í lok febrúar. Ásamt löndum sínum setti hún upp danssýningu sem fór víða í land til að safna fé fyrir fólk í Úkraínu.
Áslaug Munda Gunnlaugsdóttir, frá Egilsstöðum. Áslaug Munda var síðasta sumar valin í íslenska kvennalandsliðið í knattspyrnu til þátttöku á Evrópumótinu, þrátt fyrir að hafa um veturinn glímt við erfiðar afleiðingar höfuðhöggs. Áslaug Munda kom tvisvar inn á í mótinu en hefur síðan verið í byrjunarliðinu.
Bogi Nils Bogason, frá Eskifirði. Bogi Nils hefur með farsælum hætti stýrt Icelandair í gegnum mikla ókyrrð í Covid-faraldrinum. Á árinu fór landið að rísa á ný og bjart virðist framundan. Bogi Nils hefur oft þurft að sýna snarræði og áræðni við erfiðar aðstæður í rekstrinum.
Dagur Þór Hjartarson, Neskaupstað. Dagur Þór hefur lagt mikið af mörkum til félagsstarfs í heimabyggð sem formaður nemendaráðs Verkmenntaskóla Austurlands og þjálfari hjá yngri flokkum Fjarðabyggðar í knattspyrnu.
Díana Mjöll Sveinsdóttir, framkvæmdastjóri Eskifirði. Díana Mjöll hefur leitt ferðaþjónustufyrirtækið Tanna Travel árum saman. Bæði í vinnu og frítíma er hún óþreytandi að kynna Austurland og þá kosti sem fjórðungurinn hefur.
Embla Björt Ingimarsdóttir og foreldrar, Reyðarfirði. Embla Björt fæddist vorið 2021 með of þrönga gallvegi. Síðan hefur hún þurft að fara í umfangsmiklar aðgerðir, þar á meðal lifrarskipti í Gautaborg vorið 2022, sem hafa kostað mikið álag á fjölskylduna.
Jóhann Valgeir Davíðsson, íþróttakennari Eskifirði. Jóhann Valgeir hefur undanfarin ár barist fyrir endurbótum á íþróttahúsinu á Eskifirði, oft í miklum mótbyr. Baráttuþrek hans skilaði því að mygla var nýverið staðfest í húsnæðinu.
Sigfinnur Mikaelsson, Seyðisfirði. Sigfinnur hefur verið í fararbroddi í baráttunni gegn laxeldi í Seyðisfirði. Hann hefur verið á varðbergi gagnvart ágöllum í bæði áformum um eldið sem og um strandsvæðaskipulag Austurlands.
Starfsfólk Lyfju, Egilsstöðum. Starfsfólkið sýnir viðskiptavinum einstaklega gott viðmót og þjónustulund, auk þess að hafa framúrskarandi þekkingu á því sem á þarf að að halda í þeirra starfi.

Poll is expired!

Austfirðingur ársins 2022

Fréttaflokkar

Innsent efni

Austurfrétt ehf.

Samfélagsmiðlar