Gæsluvarðhald yfir dópsmyglurum framlengt

Höfundur: Steinunn Ásmundsdóttir • Skrifað: 12. maí 2009.

Gæsluvarðhald yfir sex mönnum sem taldir eru hafa staðið fyrir smygli á meira en hundrað kílóum fíkniefna til landsins með skútu hefur verið framlengt til næstu mánaðarmóta.

Fjórir mannanna munu sitja í gæsluvarðandi til 29. maí en tveir til 2. júní. Þeir munu allir hafa komið við sögu í öðrum fíkniefnamálum áður, Íslendingarnir hérlendis en Hollendingurinn í sínu heimalandi. Sá hafði komið nokkrum sinnum til landsins áður en Landhelgisgæslan náði honum á hafinu milli Íslands og Færeyja á skútunni, sem siglt var að Papey.

Frá Viborg til www

Höfundur: Steinunn Ásmundsdóttir • Skrifað: 11. maí 2009.

Katrín Jóhannesdóttir fatahönnuður opnaði á laugardag sýningu í Sláturhúsinu á Egilsstöðum. Er það útskriftarsýning Katrínar, sem útskrifaðist fyrir skömmu frá Textilseminareiet í Viborg í Danmörku. Á sýningunni eru meðal annars prjónaðir kjólar, peysur og fylgihlutir, allt hannað með íslenska þjóðbúninginn í huga. Sýningin er opin fram til 23. maí milli kl. 14 og 18.

Læknafélag Íslands ályktar um mál yfirlæknis

Höfundur: Steinunn Ásmundsdóttir • Skrifað: 11. maí 2009.

Ályktun stjórnar Læknafélags Íslands vegna deilu yfirstjórnar HSA og yfirlæknis við stofnunina:   Stjórn Læknafélags Íslands lýsir yfir miklum áhyggjum vegna þeirrar stöðu sem upp er komin á Austurlandi vegna deilna yfirstjórnar HSA og yfirlæknis við stofnunina. Það er áhyggjuefni þegar viðkvæm deiluefni eru rekin í fjölmiðlum og getur leitt til þess að torvelda leiðina að lausn vandans. Það er sérstakt áhyggjuefni þegar deila stjórnenda heilbrigðisstofnana við heilbrigðisstarfsmenn bitnar á sjúklingum.

Lesa meira

Ellefu styrkir til nýnema við HÍ

Höfundur: Steinunn Ásmundsdóttir • Skrifað: 12. maí 2009.

Ellefu styrkir verða veittir úr Afreks- og hvatningarsjóði stúdenta Háskóla Íslands 16. júní nk. Um er að ræða styrki til nemenda sem náð hafa afburðaárangri á stúdentsprófi og innritast í Háskóla Íslands. Hver styrkur nemur 300.000 krónum auk niðurfellingar skráningargjalds í Háskólann, sem er 45.000 krónur. 

Lesa meira

Ólögmæt álagning á Djúpavogi

Höfundur: Steinunn Ásmundsdóttir • Skrifað: 11. maí 2009.

Samgönguráðuneytið hefur kveðið upp úrskurð í máli er varðar álagningu svokallaðs B-gatnagerðargjalds á fasteign í Djúpavogshreppi. Niðurstaða ráðuneytisins er að álagningin hafi verið ólögmæt og var hún því felld úr gildi.

Lesa meira

Samráðsfundur sveitarfélaga um efnahagsvandann

Höfundur: Steinunn Ásmundsdóttir • Skrifað: 10. maí 2009.

Samráðsfundur íslenskra sveitarfélaga um efnahagsvandann fer fram 13. maí n.k. í Reykjavík. Sveitarfélög og landshlutasamtök senda að jafnaði einn til tvo fulltrúa hvert til fundarins.

Formaður sambandsins, Halldór Halldórsson, mun fara yfir stöðu mála og fjallað verður um nýjustu upplýsingar um fjárhagsstöðu sveitarfélaga. Síðan verða almennar umræður þar sem fundarmenn geta skipst á skoðunum og sagt frá hvernig einstök sveitarfélög hafa verið að bregðast við rekstrarvanda og greint frá leiðum til hagræðingar í rekstri.

Lesa meira

Von á 280 krökkum

Höfundur: Steinunn Ásmundsdóttir • Skrifað: 12. maí 2009.

Fjarðaálsmótin í 6. flokki drengja og stúlkna og 7 flokki (blönduðum) verða háð í Fjarðabyggðarhöllinni á laugardag, 16. maí.  Skráð eru til leiks 28 lið og því von á allt að 280 börnum og vonandi tölvert fleiri foreldrum.  Á vef Leiknis segir að trúlegt þyki að þetta verði fjölmennasta knattspyrnumót sem haldið hefur verið á Austurlandi. 

Liðin koma frá Höfn, Djúpavogi, Egilsstöðum, Seyðisfirði, Þórshöfn, Akureyri og úr Fjarðabyggð.

Fundahöld vegna mála yfirlæknis

Höfundur: Steinunn Ásmundsdóttir • Skrifað: 11. maí 2009.

Hollvinasamtök Heilsugæslu Fjarðabyggðar munu eiga fund með bæjarráði Fjarðabyggðar í fyrramálið. Þá er einnig fyrirhugaður fundur Hollvinasamtakanna og yfirstjórnar Heilbrigðisstofnunar Austurlands á morgun. Til umfjöllunar verða málefni Hannesar Sigmarssonar yfirlæknis heilsugæslunnar.

Jafnframt mun heilbrigðisráðherra eiga fund með bæjarstýru Fjarðarbyggðar í vikunni.

Fjarðabyggð tapaði fyrsta leik

Höfundur: Gunnar Gunnarsson • Skrifað: 11. maí 2009.

Fjarðabyggð tapaði 0-1 fyrir Aftureldingu í fyrstu umferð 1. deildar karla í knattspyrnu á Norðfjarðarvelli á sunnudag.

Lesa meira