UMF Máni úr Nesjum í Hornafirði fór með sigur af hólmi í bikarkeppni UÍA og Launafls í knattspyrnu eftir 5-4 sigur á Spyrni í framlengdum úrslitaleik á Djúpavogi í gær. Félagið hefur ekki áður unnið bikarinn.
Átta ungir íþróttamenn, fjórir þjálfarar og tvö félög fengu nýverið samtals 760.000 krónur þegar úthlutað var úr Spretti – styrktarsjóði Fjarðaáls og UÍA. Fjarðaál hefur aukið framlag sitt í sjóðinn.
Jóna Guðlaug Vigfúsdóttir hefur ákveðið að snúa aftur til Þróttar Neskaupstaðar eftir fimm ára feril í Evrópu sem atvinnumaður í blaki. Leikmannamál Þróttar fyrir komandi keppnistímabil eru að komast á hreint.
Fjarðabyggð hafði sætaskipti við Huginn í þriðju deild karla í knattspyrnu eftir 1-2 sigur í uppgjöri toppliðanna á föstudagskvöld. Sigurmarkið kom í blálokin. Leikmenn Hattar eru hins vegar vonsviknir eftir erfiða helgi.
Höttur vann sinn fyrsta leik í sumar þegar liðið lagði Hamar í Hvergerði í botnslag í annarri deild karla með marki í blálokin. Leikurinn kann að hafa orðið báðum liðum að falli. Einherji tryggði sér efsta sætið í sínum riðli í fjórðu deild karla með því að bursta Ými 9-1. Sigurður Donys Sigurðson skoraði þar fjögur mörk.
Það þykir jafn eðlilegt að spilaður sé fótbolti í Neskaupstað eins og að sólin komi upp. Á Neistaflugi var engin undantekning á því en þá fór fram í fyrsta skiptið fótboltamót á milli hverfa.
Þórarinn Sigurbergsson setti brautarmet þegar hann varð fyrstur í mark í 103 km keppni í hjólreiðakeppninni Tour de Orminum sem fram fór á Fljótsdalshéraði í dag. Hafliði Sævarsson bætti einnig eldra met í 68 km keppninni.