Sbogason.is

Ferðafagnaður laugardaginn 18. apríl

Höfundur: Steinunn Ásmundsdóttir • Skrifað: .

Það stefnir í góða þátttöku í Ferðafagnaði á Austurlandi og heimamönnum og gestum standa fjölþættir og forvitnilegir viðburðir til boða um allan fjórðung. Ferðafagnaður, kynningar- og hátíðisdagur íslenskrar ferðaþjónustu er næstkomandi laugardag. Austfirðingar eru hvattir til að kynna sér á vefjunum á www.ferdafagnadur.is og www.east.is hvað austfirsk ferðaþjónusta býður þeim að skoða og njóta.

lomundarfjrur_thomas_skov.jpg Grunnhugmynd Ferðafagnaðar, sem áður hét Ferðalangur í heimabyggð, er að ferðaþjónustan veki athygli á skemmtilegri og víðfeðmri starfsemi sinni og geri almenning meðvitaðri um allt það góða sem ferðaþjónustan hefur upp á að bjóða. Viðburðurinn hefur vaxið ár frá ári. Reynslan sýnir að íbúar kunna vel að meta að kynnast þeim fjölbreyttu afþreyingu sem er í boði á heimslóð. Fyrir ferðaþjónustuna er þetta frábært tækifæri til að kynna það sem er í boði fyrir ferðamenn.  

Markmiðið er tvíþætt: Annars vegar að kynna það sem er í boði fyrir erlenda sem innlenda ferðamenn því vel upplýstir heimamenn sem þekkja fjölbreytta möguleika í boði eru bestu sölumenn sem starfa í þágu ferðaþjónustunnar. Hins vegar er markmið Ferðalangs að ferðaþjónustan bjóði heimamenn velkomna.

Austurland og stórhöfuðborgarsvæðið taka þátt í Ferðafagnaði í ár.  

Vefur Ferðafagnaðar er www.ferdafagnadur.is

 og eftir sveitarfélögum á www.east.is

Ljósmynd: Loðmundarfjörður/Thomas Skov

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Samþykkja Hafna