Gott í gogginn: Silungur, salat og gratineraður kjúklingur

Höfundur: Steinunn Ásmundsdóttir • Skrifað: 20. mars 2009.

Að vanda kemur Austurglugginn þeim til hjálpar sem vita ekki gjörla hvað á að hafa í matinn um helgina og birtir bestu eldhúsleyndarmál matgæðinga blaðsins á vefnum. Uppskriftir að þessu sinni koma frá Dagmar Jóhannesdóttur. Hún býður okkur upp á léttan og ljúfan helgarmat.

Sítrussoðinn silungur

6 lime

6 sítrónur

1 msk olía

smá salt

ca 1/2 laukur, skorinn í örþunnar sneiðar

ca 1 tsk Picanta krydd

Silungurinn skorinn í þunnar sneiðar og látinn í löginn. Passa að vel fljóti yfir hann og settur í kæli í 1 sólarhring.

Salat

1 gul paprika

1 rauð paprika

1 græn paprika

3 tómatar

1 rauðlaukur

1/2 rauður chili

1/2 grænn chili

1/2 búnt steinselja

oregano eftir smekk

Brytja mjög smátt og blanda við silunginn í leginum tveimur tímum áður en borið er fram.

Gott að hafa með þessu ristað brauð eða Ritzkex. Þetta er gott sem forréttur eða bara stakur réttur.

Gratineraður kjúklingur

4 kjúklingabringur

1 pakki beinkonkurl

1 hnefi döðlur

1 matreiðslurjómi

1 poki kasjúhnetur

ostur til að gratinera

Kryddið kjúklingabringurnar eftir smekk. Steikið á pönnu og setjið í eldfast mót. Steikið svo beikonið, blandið hnetunum og döðlunum við og setjið yfir kjúklinginn. Hellið rjómanum yfir og svo að lokum ostinum. Setjið í ofn við 180 gráður í ca 40 mínútur. Gott er að hafa með þessu soðið bankabygg, hvítlauksbrauð og salat.

Heitur drykkur í kuldanum

7 dl sterkt kaffi

100 g fyllt Nóa Síríus súkkulaði (má líka vera hvaða líkjör sem er)

50 g súkkulaði (70%)

2 dl matreiðslurjómi

Setjið kaffið í pott og brytjið súkkulaðið út í. Hitið þar til súkkulaðið hefur bráðnað. Bætið matreiðslurjómanum út í og hellið drykknum í glös. Skreytið að vild, t.d. með þeyttum rjóma og rifnu súkkulaði.