Ljósmyndasamkeppni fyrir krakka!
Austurglugginn efnir til ljósmyndasamkeppni fyrir krakka í sumar. Þátttakendur geta allir verið sem fæddir eru árið 1997 eða síðar (ath. að í auglýsingu í Austurglugganum misritaðist ártalið). Bestu myndirnar verða birtar í blaðinu og sýndar á ljósmyndasýningu í haust. Höfundur langbestu myndarinnar fær góð verðlaun. Reglur keppninnar eru eftirfarandi:
Reglur:
Hver þátttakandi má senda inn tvær myndir og þarf að vera höfundur þeirra.
Myndirnar mega ekki vera breyttar í Photoshop eða álíka forritum. Ekki má skeyta saman myndum eða bæta myndahluta við. Ekki má setja ramma utan um myndina eða bæta á hana texta. Ekki má breyta hluta myndar að ,,rauðum augum" undanskildum.
Skila þarf myndum fyrir 20. ágúst á netfangið This email address is being protected from spambots. You need JavaScript enabled to view it. merktum ljósmyndasamkeppni. Með þarf að fylgja nafn, heimilisfang og símanúmer. Myndir þurfa að bera nafn sem gefur efni þeirra til kynna.
Aðeins er tekið við stafrænum myndum á jpeg sniði (.jpg).
Skráarstærð verður takmörkuð við 3 MB.
Austurglugginn áskilur sér rétt til að nota þær myndir sem skilað verður inn í blaðinu.
Bestu myndirnar verða sýndar á ljósmyndasýningu í haust, birtar í blaðinu og höfundur langbestu myndarinnar fær góð verðlaun.
